Tuesday, May 24th, 2016

வவுனியா இந்து அன்பகத்தின் நீர்ப்பிரச்சினையைத் தீர்த்துவைத்த ரஜிந்தாவின் பெற்றோர்

Published on October 12, 2012-11:09 am   ·   No Comments

வவுனியா இந்து அன்பகத்திற்கு பிரான்சிலிருந்து இயங்கும் ரி.ஆர்.ரி. தமிழொலி வானொலி நேயர் பொன்னம்பலம் கணேசலிங்கம் சதீஸ் தம்பதியர் தமது புதல்வி அமரர் செல்வி ரஜிந்தாவின் நியாபகார்த்தமாக அவரது நினைவுநாளில் ஆழ்குழாய்க் கிணறு அமைத்து நீர்த்தாங்கியையும் கட்டிக்கொடுத்துள்ளனர்.

இதன் திறப்பு விழா அண்மையில் நடைபெற்றது.

வவுனியா வேப்பங்குளத்தில் அமைந்துள்ள இந்து அன்பகத்தில் தாய் தந்தையரை இழந்த மற்றும் வறுமையால் வாடும் பெற்றோர்களின் பிள்ளைகள் தங்கியுள்ளனர்.

வவுனியாவில் நிலவும் வரட்சி இந்து அன்பகத்தையும் விட்டுவைக்கவில்லை. இந்நிலையத்தின் கிணறு வற்றிவிட்டதால் அன்பகம் பெரும் நீர்ப்பிரச்சினைக்கு முகங்கொடுக்க நேர்ந்தது. இந்த விடயம் வன்னி மாவட்ட பாராளுமன்ற உறுப்பினர் சிவசக்தி ஆனந்தனின் கவனத்திற்குக் கொண்டுவரப்பட்டது. அவரது வேண்டுகோளுக்கு இணங்க பிரான்சிலிருந்து இயங்கும் ரி.ஆர்.ரி. தமிழொலி வானொலி நேயர் பொன்னம்பலம் கணேசலிங்கம் சதீஸ் தம்பதியர் தமது புதல்வி அமரர் செல்வி ரஜிந்தாவின் நியாபகார்த்தமாக அவரது நினைவுநாளில் ஆழ்குழாய்க் கிணறு அமைத்து நீர்த்தாங்கியையும் கட்டிக்கொடுத்துள்ளனர்.

இந்து அன்பகத்தின் தலைவி சாமிஅம்மா என்று அழைக்கப்படுகின்ற சிவச்செல்வி கு.ஜெயராணி அவர்களின் தலைமையில் நடைபெற்ற நீர்த்தாங்கியின் அங்குரார்ப்பண நிகழ்வில் பிரதம விருந்தினராக வன்னி மாவட்ட பாராளுமன்ற உறுப்பினர் சிவசக்தி ஆனந்தன் கலந்துகொண்டார். கௌரவ விருந்தினர்களாக பண்டாரிக்குளம் முத்துமாரியம்மன் தேவஸ்தானத்தைச் சேர்ந்த சிவஸ்ரீ ஆதி சௌந்தர்ராஜா குருக்கள், கிளிநொச்சி பிராந்திய மின்சாரசபை பொறியியலாளர் பிரபாகரன், யாழ் இணுவிலைச் சேர்ந்த ஓய்வு பெற்ற பொறியியலாளரான பொ.பாலசுப்பிரமணியம், ஓய்வு பெற்ற வங்கியாளர் வை.ஸ்ரீஸ்கந்தவரோதயன், வவுனியா தமிழ்ச்சங்கத் தலைவர் தமிழருவி த.சிவகுமாரன் ஆகியோர் கலந்துகொண்டனர். இவர்களுடன் மருத்துவக்கலாநிதி கந்தையா இராமச்சந்திரன், வவுனியா பிரதேசசபை உறுப்பினர் கதிர்காமு பரமேஸ்வரன், சமூகசேவையாளர்கள் திரு.திருமதி. மா.கதிர்காமராஜா மற்றும் சண்மாஸ்டர் ஆகியோரும் கலந்துகொண்டனர்.
இந்நிகழ்வில் அன்பகச் சிறார்களின் கலைநிகழ்வுகளும் இடம்பெற்றன.

அங்குரார்ப்பண நிகழ்வில் கலந்துகொண்டு உரையாற்றிய வன்னிப் பாராளுமன்ற உறுப்பினர் சிவசக்தி ஆனந்தன்,
எமது புலம்பெயர் உறவுகளும் தாய்நாட்டில் வாழும் உறவுகளும் தங்களது ஆடம்பரச் செலவினங்களைக் குறைத்து வடக்கு-கிழக்கில் பல்வேறு காப்பகங்களில் தமது எதிர்காலக்கனவுகளைச் சுமந்து வாழும் பல்லாயிரக்கணக்கான சிறார்களின் வாழ்க்கையில் ஒளியேற்ற முன்வரவேண்டும். எம்மீது திணிக்கப்பட்ட யுத்தம் பல்லாயிரக்கணக்கான சிறார்களை ஆதரவற்றவர்களாக ஆக்கியுள்ளது. அவர்கள் பல்வேறு காப்பகங்களில் தங்கியுள்ளனர். வவுனியா மாவட்டத்தில் மட்டும் ஒன்பது காப்பகங்களில் 1200 சிறார்கள் வசிக்கின்றனர்.
எமது உறவுகள் அவர்களது எதிர்காலக் கனவுகளை நிறைவேற்றுவதற்கு முன்வர வேண்டும். தங்களது பிள்ளைகளின் பூப்புனித நீராட்டுவிழா, பிறந்தநாள்விழா, திருமணம் போன்ற வைபவங்களுக்கான ஆடம்பரச் செலவுகளைக் குறைத்துக்கொண்டு காப்பகங்களில் வாழுகின்ற சிறார்களுக்கு உதவ முன்வரவேண்டும்.

இதற்கு முன்னுதாரணமாக யாழ் இணுவிலைப் பிறப்பிடமாகக் கொண்டு பிரான்சில் வசித்துவரும் கணேசலிங்கம் தம்பதியர் திகழுகின்றனர். தமது புதல்வியின் நினைவுநாளில் வவுனியா இந்து அன்பகத்தில் வசிக்கும் நூற்றுக்கணக்கான பிள்ளைகளின் நீர்ப்பிரச்சினையைத் தீர்த்து அந்தக்குழந்தைகளின் மகிழ்வில் தமது புதல்வி ரஜிந்தாவின் சிரிப்பைப் பார்க்கின்றனர்.
ரி.ஆர்.ரி வானொலி தமது நேயர்களின் மூலம் பல்வேறு வழிகளிலும் யுத்தத்தால் பாதிப்புற்ற எமது மக்களுக்கு உதவிகளை வழங்கி வருகின்றது. அவர்களது பணி சிறக்க வேண்டும். இதனை ஏனையோர்களும் பின்பற்ற வேண்டும் என்று கூறினார்.

Readers Comments (0)

Comments are closed.

செய்திகள்

ss (16)

நுவரெலியாவில் நடைபெற்ற ஆடை அலங்காரம். [May 23, 2016]

நுவரெலியா குதிரை பந்தய திடலில் ஆண் பெண் இருபாலாருக்குமான ஆடை ...
C:U

காரைதீவு ஸ்ரீகண்ணகை அம்மன் ஆலயத்தின் திருக்குளிர்ச்சி [May 23, 2016]

[caption id="attachment_65464" align="alignleft" width="150"] C:U[/caption] வரலாற்று பிரசித்தி பெற்ற கிழக்கிலங்கை ...
0 (2)

மண்சரிவில் தெஹியோவிட்ட தமிழ் வித்தியாலயம் சேதம். டேனிஸ்வர்த் பாடசாலை அதிபர் மரணம். [May 22, 2016]

கேகாலை மாவட்டம் தெஹியோவிட்ட தமிழ் வித்தித்தியாழும் முற்றிலும் பாதிப்படைந்து சேதமாகியுள்ளது. ...
09

தெல்தொட்டை பிரதேச மண்சரிவினால் 166 குடும்பங்களை சேர்ந்த 611 பேர் இடம் பெயர்வு VIDEO [May 22, 2016]

தொடர்ந்து பெய்து வரும் மழை காரணமாக தெல்தொட்ட மற்றும் கலஹா ...
kkk

பூரணை விரத கோமாதா யாகபூஜை மற்றும் சுமங்கலி வஸ்திரபூஜை! [May 22, 2016]

காரைதீவு ஸ்ரீசித்தானைக்குட்டி ஆலயத்தில் நேற்று பௌர்ணமியன்று நடைபெற்ற பூரணை விரத ...
kilinochchi

வெள்ளத்தால் பாதிக்கப்பட்ட கிளிநொச்சி முல்லைத்தீவு மக்களுக்கு நிவாரண உதவி. [May 22, 2016]

வெள்ளத்தினால் பாதிக்கப்பட்ட கிளிநொச்சி மற்றும் முல்லைத்தீவு மாவட்டங்களில் உள்ள முரசு ...
vidaimuram (32)

சுவிற்சர்லாந்து அருள்ஞானமிகு ஞானலிங்கேச்சுரர் திருக்கோவில், வைகாசி விசாகம் VIDEO [May 22, 2016]

விடைமுறம் (வைகாசி விசாகம்) அனிலநாள், சோதிநாள் என பழந்தமிழரால் போற்றப்படும் ...
S4660273

மலையகத்தில் தொடர்ந்து மண்சரிவு அபாயம்- மக்கள் இடம்பெயர்வு [May 22, 2016]

கோகம தோட்டத்தில் தொடர்ந்து பெய்து வரும் மழை காரணமாக நிலம் ...
IMG_9816

புதுக்குடியிருப்பில் வாழ்வாதார உதவிகள் [May 22, 2016]

முல்லை. புதுக்குடியிருப்பு பிரதேசத்தில் வறுமைக்குட்பட்ட ஆறு குடும்பங்களுக்கு வாழ்வாதார உதவி ...
kathankudi 1

காத்தான்குடி தாஜ் றெஸ்ரோரன்ட் என்ற முஸ்லீம் கடையில் இறைச்சி றொட்டிக்குள் கறள் ஆணி. [May 21, 2016]

காத்தான்குடியில் உள்ள தாஜ் றெஸ்ரோரன்ட் என்ற உணவகத்தில் மாட்டிறச்சி றெட்டிக்குள் ...